9 Мая после торжественного митинга на площади Победы жители с. Кяччи поспешили в ЦКР "Сайдам". Там проходили различные конкурсы, посвященные 78 годовщине Победы:

1. Конкурс фотозон "Саллаат омур5ана" по туолбэм села;

2. Конкурс на "Самую вкусную солдатскую кашу" - среди желающих;

"Кээччигэ 7 түөлбэ баар,бу 7 түөлбэ дьоно-оҕото бары көхтөөх кыттыыны ыллылар,наҺаа үчүгэйдик бэлэмнэммиттэр,оҥостубуттар.КүрэхтэҺии сыала-соруга сэрии бириэмэтин көрдөрүү,быстахтык,кылгастык тохтоон ааһар "Саллаат Омурҕанын" көрдөрүү,хайдахтаах да кытаны кытаанах усулуобуйаҕа сырытталлар,кинилэр даҕаны ол кэмҥэ ыллыыр-туойар,үөрэр көтөр кэмнэрдээхтэрэ.Бииртэн-биир уһулуччу үчүгэй түөлбэ.Биирдии муннугу баҺылаан сэрии саҕанааҕы малларын,кэппит таҥастарын,араас лозуннары,сэриини кыайбыт Улуу Сталиммыт мэтириэтин булан,оҥорон ыйаабыттар,уурбуттар,бу историябыт кэрэһиттэрэ буолан сылдьаллар.Хаһан баҕарар буоларын курдук күрэхтэһии аата күрэхтэһии син биир кыайыылаах көстөр,ол гынан баран бу "Дьөһөгөй"түөлбэ бастакы миэстэни ылыан ылла,олох дьиҥ-чахчы отуу оҥостон,кулуһун туруоран,хоруорбут иһит-хомуос,үтүллүбүт хортуоска,бартыһаан олоҕун толору көрдөрдө.Ийэлэрин былааттарын баанан,сирэйдэрэ хоруолаах оҕолор барахсаттар,хааннаах бэрэбэскилээх сүрдээх хамандыырдаах,үөрэхтээх кыыстаах,сааһыра барбыт саллааттаах дьиҥ чахчы бартыһаан олоҕун курдук.
Иккис миэстэни"Айхал"түөлбэ бэркэ оҥостон-оонньоон көрдөрдүлэр.Буойун- саллаакка(Обелиск) ийэлэр барахсаттар харахтарын уутун сотто-сотто кэлэн бокулуон уурдулар,эдэр саллаат уолаттар чиэс биэрэн, бокулуон оҥордулар,олохтоох  дьон оҕо-уруу кэлэн сибэкки уурдулар(кыратык сүрэҕи -быары хамсатан Р.Гамзатов тыл.суруллубут "Журавли" ырыа тыаһыы турар)олох сүрдээх иэйиилээхтик оонньоотулар,киһи уйадыһар.
Үһүс миэстэ "Кустук" түөлбэ блиндаж иһигэр сахалар төрөөбүт түөлбэлэрин,дьоннорун-сэргэлэрин,биирдэрэ илдьэ сылдьар хомуһун хостоон охсон иһитиннэрэр.Төһө да дьоннорун,сирдэрин ахтыбыттарын иһин саха киһитин быһыытынан уйадыйбытын биллэрбэт.
Эдэр дьон "Кэнчээри" олорор түөлбэтэ диэх курдук оҕо-уруу мустан,сэрии кэминээҕи таҥаһы-сабы,иһити-хомуоһу көрдөрөн,ыллаан аастылар.
"Саһарҕа"түөлбэ ыскамыайка,тимир оһох,иһит-хомуос,таҥас-сап,рюкзак,истиэнэҕэ ыйаммыт саха саллаата,эйэ холууба."Суох буоллун сэрии" диэн ырыаннан эҕэрдэлээтилэр.
"Сарыал" түөлбэ истиэнэҕэ Сталин мэтириэтэ,сэрии саҕана Ийэ Дойдуну көмүскүүргэ ыҥырар араас лозуннар,остуолга ол саҕанааҕы кэрэҺиин лаампа,тимир курууска,сиэпкэ илдьэ сылдьар дойдуларыттан кэлбит,имиллибит-саһарбыт сурук,кыһыл кыайыы былааҕа,командирдар кэтэр тулууп сонноро история кэрэһиттэрэ буолан тураллар,бэркэ оҥостубуттар.Саллаат-уол ийэтин суругун ааҕан,дойдутун, ийэтин
ахтылҕана өссө күүһүрдэ.
"Быйаҥ" түөлбэ манна связисткалар үлэлиир сирдэрин көрдөрбүттэр.Истиэнэҕэ Сталин мэтириэтэ,улахан төбөлөөх радио,суруйар-үлэлиир остуол.Биир связист кыыс сүүрэн киирэн долгуйан кыайан эппэт Кыайыы буолбутун,онтон өйдөөн радио холбоон истэн долгуйуу,үөрүү-көтүү,ытаһыы көстөн ааһар.
   Дьэ бу курдук Кээччибит олохтоохторо,оҕолоро сүрдээх үчүгэйдик,олох сүрдээхтик бэлэмнэнэн кэлбиттэр,оҥостубуттар.
Наһаа үчүгэй,өрө күүрүүлээх тэрээһин буолан ааста.Өссө төгүл Кээччибит дьоно-сэргэтэ түмсүүлээҕин өйтөн-санааттан сүппэккэ ытык дьоммутун кэриэстиир биир үтүө күммүтүн биһиэхэ ыраас халлааны,оонньоон-көрүлээн ааспыт оҕо сааспытын,үөрэҕи-сырдыгы батыһан үөрэхтээх дьон буоларбытыгар сэриилэспит,тыылга кыайыыны уһансыбыт доммутугар махтал муҥура суох,кинилэр сырдык ааттара умнуллубатын.
  Барҕа махтал буоллун Кээччим дьонугар-сэргэтигэр,олохтоох депуттарбытыгар дьоннорун түмэн,мэлдьитин түмсүүлээххитигэр,кулууп кыргыттарыгар маннык араас интириэһинэй тэрээһини ыыталларыгар,араас таҥаһы-сабы,ууран-харайан сылдьалларыгар.
  Баҕарыам этэ кытаанахтан кытаанах доруобуйаны,ыраас халлааны,үлэҕэ-үөрэххэ ситиһиини.Арҕаа буола турар алдьархай тохтууругар,уолаттарбыт дойдуларыгар этэҥҥэ эргиллэн кэлэллэригэр.
  Биир өссө күрэхтэһии буолла "Саллаат хааһыта" бу күрэхтэһиигэ 4 далбар хотун,эйэҕэс эбээ Максимова В.И.Гатауллина Н.К.,Максимова Г.А.,Эверстова В.В. кытынна,күрэхтэһии кыайыылааҕа Гатауллина Наталья Климовна.Наталья Климовна Кээччибит олох активистката,бары тэрээһиҥҥэ мэлдьитин кыттар,диктаҥҥа мэлдьитин "5" сыанаттан түспэт,сүрдээх барыны бары билэр,аахпыта да элбэх.
 Эйэҕэс эбэлэргэ,эһэлэргэ,ийэлэргэ бу үтүө быһыынан сиэннэргитигэр,оҕолоргутугар холобур буолаҕыт.Мэлдьитин олоххо көхтөөх,түмсүүлээх буолуҥ,бу Кыайыы күнүгэр курдук.
Күрэхтэһиигэ буоларын курдук дьүүллүүр сүбэ баар,онно үлэлээтилэр: Соловьева В.И.,Туприна И.С.,Корнилова Н.И.
Спонсордаатылар Желлаева Н.А.,Шафеев А.З. уонна фронтовик Якутов Е.В.кыргыттара.
Махтал мааныта кыттыбыт дьоммутугар,спонсордарбыгар."

статья Татьяны Борисовны Тобоховой.