Сахалыы саҥараҕын, сахалыы толкуйдуугун? Билиигин кэнэтэн тургутугу ааһаргар ыҥырабыт https://onlinetestpad.com/kmouiiuo7u5ly

«Тыла суох - омук суох». Биhиги сахабыт тыла олус баай, олус сайдыылаах, хомоҕой. «Саха тыла сир симэ5ин курдук - сиэдэрэй» диэн мээнэҕэ этиллибэт. Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А. Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ. Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.

Ватсаптан хоһоон:

ИЙЭ ТЫЛ КҮНҮНЭН!

 

 Ийэ тыллаах буоламмын

Иэйии кыымын саҕаммын

Ис санаабын сайаммын

Иэтэн хоһоон айабын.

Төрүт тыллаах буоламмын

Түһүүлэрбин, тахсыыбын

Туох баарынан этэммин

Тэттиктэргэ тиһэбин.

Өһүк тыллаах буоламмын

Өрөгөйбүн, самныыбын

Өргөс кылаан тыыннааммын

Өлбөөдүйбэт тыынныыбын.

Саха тыллаах буоламмын

Сайдам-дьэллэм санаабын

Сааһылааммын, холбооммун

Сатаан этэр буолбуппун.

 

Оһуохай Уола